Сустрэча Лукашэнкі з Пуціным і Назарбаевым перанесеная
Паведамляецца, што расійскі прэзідэнт захварэў. У прэс-службе Лукашэнкі кажуць, што яны гэты візіт і не анансавалі.
Візіт Уладзіміра Пуціна ў Астану адменены. Па звестках Reuters, прычынай стала хвароба расійскага кіраўніка. Прэс-сакратар Пуціна Дзмітрый Пяскоў адмовіўся каментаваць гэтую інфармацыю.
Меркавалася, што 12 сакавіка ў сталіцы Казахстана адбудзецца сустрэча трох кіраўнікоў краін Мытнага саюза — Аляксандра Лукашэнкі, Уладзіміра Пуціна і Нурсултана Назарбаева. Аднак і беларускі кіраўнік у Астану не адправіцца. Пра гэта Еўрарадыё паведамілі прэс-службе Лукашэнкі:
Прэс-служба: “Мы не абвяшчалі, у нас не было анонсу з гэтай нагоды. Візіту не будзе”.
У каментары СМІ прэс-сакратар расійскага прэзідэнта заявіў, што кіраўнікі трох дзяржаваў вырашылі перанесці сустрэчу на некалькі дзён.
Фота — news.gazeta.kz
