Таццяну Шамбалаву папярэдзілі аб крымінальнай адказнасці
Такім быў вынік сённяшняй "прафілактычнай гутаркі" ў УКДБ па Магілёўскай вобласці.
Давераная асоба экс-кандыдата Віталя Рымашэўскага Таццяна Шамбалава атрымала папярэджанне па двух артыкулах Крымінальнага кодэкса — 193.1 і 293. Так супрацоўнікі КДБ ацанілі яе ўдзел у незарэгістраванай партыі "Беларуская хрысціянская дэмакратыя" і ў несанкцыянаванай акцыі 19 снежня.
У афіцыйным дакуменце, які ёй сёння ўручылі, адзначана таксама, што з 9 лютага яе паставілі на "прафілактычны ўлік".
