Трымайцеся! Сіноптыкі папярэджваюць беларусаў пра галалёдзіцу ў нядзелю
![Едзем на працу](/sites/default/files/styles/gallery_main/public/2023-12/ice-skating-235543_1920.jpg.webp?itok=FTK0xMYs)
Едзем на працу / pixabay
Панядзелак будзе цёплым, а нядзеля — слізкай, вынікае з прагнозу сіноптыкаў на найблізжэйшыя дні.
“Днём 24 снежня, у нядзелю, на асобных пляцоўках дарог краіны чакаецца галалёдзіца”, — кажуць у Гідраметцэнтры.
А ўначы месцамі па захадзе Беларусі будзе яшчэ і ветрана — парывы могуць дасягаць 15-18 м/с.
На 25 снежня, панядзелак, сіноптыкі ўвогуле абвясцілі памяранцавы ровень небяспекі і штармавое папярэджанне. Удзень па паўднёва-заходняй палове рэспублікі чакаецца ўзмацненне заходняга ветру парывамі да 15-20 м/с.
У цэлым жа 25 снежня будзе цёплым, у Беларусь прыйдуць паветраныя масы з Заходняй Еўропы. На большай частцы тэрыторыі краіны пройдуць ападкі (снег, мокры снег, што пераходзіць у дождж). Тэмпература паветра мінімальная ўначы -4.. +1°С, максімальная ўдзень +2.. +8°С, па Брэсцкай вобласці да +10°С.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.