У аўторак у Беларусі дажджы і туман
Туман у горадзе / pixabay.com
У аўторак, 24 кастрычніка, амаль па ўсёй Беларусі пройдуць дажджы. Сіноптыкі папярэджваюць пра туман уначы і раніцай на захадзе краіны (у іншых рэгіёнах — месцамі).
У начныя гадзіны тэмпература паветра складзе ад +2 да +8 градусаў, у дзённыя гадзіны — ад +5 на паўночным усходзе да +14 на паўднёвым захадзе.
Падобныя ўмовы надвор'я захаваюцца і ў наступныя дні. У сераду і чацвер месцамі магчымы таксама мокры снег.
