У Баранавічах з-за пажару эвакуявалі школу (відэа)
![У Баранавічах з-за пажару эвакуявалі школу (відэа)](/sites/default/files/styles/gallery_main/public/2023-08/baranki-1611.png.webp?itok=lYWZ07Cv)
У Баранавічах з-за пажару зранку 16 лістапада давялося эвакуяваць школу. Здарэнне адбылося каля 10-й гадзіны раніцы ў СШ №21 на вуліцы 50 год ВЛКСМ. У дзяцей у гэты час акурат ішоў другі ўрок, піша intex-press.by.
Адна з вучаніц распавяла, што ў школе спрацавала пажарная трывога. Дзеці і настаўнікі сталі спускацца наніз, думаючы, што гэта вучэнні. "А калі спусціліся, спалохаліся: на першым паверсе ўсё было ў дыме і адчуваўся моцны пах гару", — кажа школьніца.
Пажар, як выявілася, адбыўся ў мужчынскай прыбіральні на першым паверсе школы. Ратавальнікі, якія прыехалі на выклік, супакоілі: у прыбіральні проста дымілася сметніца, тушыць нічога не спатрэбілася.