У Беларусь прыбывае ацэначная місія БДІПЧ АБСЕ па выбарах
Яна будзе знаходзіцца ў нашай краіне з 15 па 17 ліпеня.
15-17 ліпеня ў Беларусі будзе працаваць ацэначная місія Бюро па дэмакратычных інстытутах і правах чалавека Арганізацыі па бяспецы і супрацоўніцтве ў Еўропе (БДІПЧ АБСЕ).
Удзельнікі місіі плануюць сустрэцца з прадстаўнікамі органаў дзяржаўнай улады і грамадзянскай супольнасці, а таксама асноўных палітычных партый, СМІ, недзяржаўнымі арганізацыямі і з меркаванымі кандыдатамі на прэзідэнцкую пасаду. Як інфармуе БЕЛТА, 15 ліпеня ў місіі запланаваная сустрэча кіраўніцтвам Цэнтрвыбаркаму.
Справаздача місіі па выніках візіту будзе абнародаваная прыкладна праз тры тыдні пасля вяртання з Беларусі.
Як паведамляецца, задача місіі — ацаніць перадвыбарчую атмасферу і падрыхтоўку да выбараў. Зыходзячы з гэтага, місія будзе рэкамендаваць, ці неабходна БДІПЧ АБСЕ разгортваць назіранне за выбарамі, а таксама якім чынам весці маніторынг.
