У Беларусі могуць скараціць тэрмін службы ў войску да 1 года

Мінабароны Беларусі разглядае пытанне аб скарачэнні тэрміну вайсковай службы для асобаў без вышэйшай адукацыі да аднаго года.
Пра гэта сёння на прэс-канферэнцыі ў Мінску паведаміў міністр абароны Беларусі Леанід Мальцаў. Паводле яго слоў, перад скарачэннем тэрміну службы неабходна выпрацаваць комплекс захадаў для інтэнсіфікацыі баявой падрыхтоўкі за кошт сучасных сродкаў і трэнажораў.

Нагадаем, цяпер служба ў войску складае 1,5 года для тых, у каго няма вышэйшай адукацыі і 1 год для былых студэнтаў.

БЕЛТА