У Беларусі знік грамадзянін Латвіі — СМІ
Пункт пропуску Грыгараўшчына на мяжы з Латвіяй / Мытны камітэт
У Беларусі знік грамадзяні Латвіі Эмілс Асарс. Магчыма, яго затрымалі, піша Reform.news са спасылкай на знаёмых мужчыны.
Мужчына зранку 11 верасня паехаў у Беларусь на аўтамабілі Chrysler. Ён мусіў адвезці ў Верхнядзвінск знаёмую жанчыну. Асарс планаваў заехаць у Беларусь праз памежны пункт "Патэрніекі — Грыгараўшчына" каля 10:00.
12 верасня сваякам затэлефанавалі з беларускага нумара і сказалі, што Асарса затрымала міліцыя. Звязацца з гэтым нумарам паўторна не атрымалася, афіцыйнага паведамлення ад беларускіх памежнікаў пра затрыманне не паступала. Тэлефон самога Асарса з моманту знікнення застаецца адключаны.
Сваякі мужчыны паінфармавалі латвійскую паліцыю, якая пачала пошукі.
