У беларускай удзельніцы конкурсу выканаўцаў «Віцебск-2007» знік голас

У прадстаўніцы Беларусі на Міжнародным конкурсе выканаўцаў «Віцебск-2007» Ганны Благавай узніклі праблемы з голасам. Зараз яна прыпыніла выступленні і рэпетыцыі. Благава праходзіць інтэнсіўны курс лячэння і адначасова рыхтуецца да здачы сесіі за другі курс у Беларускім дзяржаўным універсітэце культуры.

Нагадаем, што яшчэ нядаўна Ганна Благава, салістка Нацыянальнага аркестра сімфанічнай і эстраднай музыкі, мела іншы псеўданім — Аніка, а яе сапраўднае прозвішча — Ганна Тоўсцікава.

Спявачка перакананая, што яе хвароба не зашкодзіць выступу на «Віцебску-2007», які пройдзе ў дні фестывалю «Славянскі базар у Віцебску».

БЕЛТА