У Гарадку абваліўся пешаходны мост праз раку Гаражанку
14 красавіка ў 7:15 раніцы гарадоцкія ратавальнікі атрымалі паведамленне, што абваліўся пешаходны мост праз раку Гаражанку, піша прэс-служба МНС. Ён знаходзіцца паміж вуліцамі Карла Маркса і Юбілейнай.
На месцы здарэння ратавальнікі выявілі, што абвалілася адна з чатырох пліт пешаходнага моста. Пацярпелых пры здарэнні няма.
Дарэчы, мост быў пабудаваны ў 1963 годзе.
Ратавальнікі адзначаюць, што перабрацца праз раку жыхары Гарадка могуць па аўтамабільным мосце, які ёсць непадалёк.
У Гарадку абваліўся мост праз раку / vitebsk.mchs.gov.by
