У Горках мужчыну засыпала ў траншэі (фота)
Ратавальнікі вызвалілі яго і перадалі медыкам.
Горацкім ратавальнікам 15 чэрвеня давялося вызваляць чалавека з землянога палону. Як паведамляе сайт МНС, пры абвале траншэі на вуліцы Калініна чалавека засыпала зямлёй. Высветлілася, што рабочы капаў траншэю для пракладкі каналізацыі. Пласт зямлі абваліўся і прыціснуў мужчыну.
Ратавальнікі дасталі яго з дапамогай аварыйна-ратавальнага абсталявання. Мужчыну перадалі супрацоўнікам хуткай дапамогі і даставілі ў лякарню.
У мужчыны дыягнаставалі ўшыб грудной клеткі, пасля чаго адпусцілі дадому.
Фота — mchs.gov.by