У Гродне загінуў 8-гадовы хлопчык, які на ровары трапіў пад МАЗ
![На месцы трагічнага здарэння / vk.com/grodnogai](/sites/default/files/styles/gallery_main/public/2023-08/5xv8_jsoc6k.jpg.webp?itok=Vt_48gYC)
На месцы трагічнага здарэння / vk.com/grodnogai
У Гродне загінуў 8-гадовы хлопчык, які на ровары трапіў пад аўтамабіль МАЗ. Як паведамляе прэс-служба гродзенскай ДАІ, трагічнае здарэнне адбылося ў панядзелак пасля 17-й гадзіны. Кіроўца грузавіка паварочваў направа, а дзіця на ровары ехала праз дарогу ("па лініі тратуара"). Хлопчык атрымаў цяжкія траўмы, яго завезлі ў бальніцу, дзе ён памёр.
На месцы здарэння працавала следча-аператыўная група, высвятляліся ўсе яго абставіны. Следчы камітэт паведамляе, што ў дачыненні кіроўцы МАЗа распачата крымінальная справа, артыкул — "парушэнне правілаў дарожнага руху, якое пацягнула па неасцярожнасці смерць чалавека".
![У Гродне загінуў 8-гадовы хлопчык, які на ровары трапіў пад МАЗ](/sites/default/files/styles/default_image_paragraph/public/paragraphs/image/NkaKXJ9RzWo.jpg.webp?itok=s0GXlPLj)
![У Гродне загінуў 8-гадовы хлопчык, які на ровары трапіў пад МАЗ](/sites/default/files/styles/default_image_paragraph/public/paragraphs/image/lLS6P0WDvuY.jpg.webp?itok=u0wwZUBg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.