У Гродне затрымлівалі замежніка — ён супраціўляўся і быў забіты

Тэлеграм-каналы паведамілі, што ў Гродне адбываюцца затрыманне з “выбухамі ці стрэламі”. @Grodno_grab атрымаў інфармацыю ад відавочцаў, што па адрасе Курчатава, 5 каля другога пад'езда з дзясятак супрацоўнікаў міліцыі і бусік.

Пазней КДБ пацвердзіў гэтую інфармацыю і патлумачылі, што нібыта адбылося.

"У ходзе правядзення спецыяльных мерапрыемстваў па спыненні дзейнасці асоб, якія праніклі на тэрыторыю Рэспублікі Беларусь з мэтай здзяйснення тэрарыстычнай акцыі, 19 сакавіка 2023 года ў Гродне на вул. Курчатава ліквідаваны замежны грамадзянін Л.”.

Па словах супрацоўнікаў КДБ, гэты чалавек “з выкарыстаннем аўтаматычнай зброі і шляхам падрыву баявых гранат” аказваў ўзброены супраціў байцам спецпадраздзялення КДБ група "А".

У Камітэце дзяржбяспекі дадалі, што грамадзянскія асобы і сілавікі падчас спецаперацыі не пацярпелі.