У Кобрыне ў бальніцу прывезлі юнака — ўпаў з помніка-танка
16-гадовы хлопец залез на танк, які ўсталяваны на пастаменце на вуліцы Савецкай.
З танка юнак упаў і ўдарыўся галавой, атрымаў адкрытую чэрапна-мазгавую траўму. Яго шпіталізавалі ў аддзяленне нейрахірургіі. Стан хлопца ацэньваецца, як сярэдняй цяжкасці.
БелаПАН адзначае, што пацярпелы сёлета скончыў школу і падаў дакументы ў прафесійны каледж.
