У Лідзе 22-гадовы хлопец вынес бацьку з дома, які гарэў
![У Лідзе 22-гадовы хлопец вынес бацьку з дома, які гарэў](/sites/default/files/styles/gallery_main/public/2023-08/lida-1806-3.jpg.webp?itok=nxyLfh18)
Увечары 17 чэрвеня ў 18.46 лідскія ратавальнікі атрымалі паведамленне, што ў прыватным доме на вуліцы Садовай назіраецца задымленне, паведамляе прэс-служба МНС.
Яшчэ да прыбыцця падраздзяленняў МНС з дома, які загарэўся, быў выратаваны мужчына. Непрытомнага гаспадара знайшоў у пакоі яго малодшы 22-гадовы сын і вынес на свежае паветра. Жонка мужчыны і старэйшы сын у гэты час былі на працы.
Ратавальнікі лакалізавалі і ліквідавалі пажар. Агонь пашкодзіў сцены і столь, падкопчаная і пашкоджаная маёмасць у жылым пакоі.
Мяркуецца, што прычынай пажару стала неасцярожнае абыходжанне гаспадара дома з агнём падчас курэння.