У Магілёўскай вобласці ў ДТЗ трапіла машына хуткай дапамогі
![На месцы здарэння](/sites/default/files/styles/gallery_main/public/2024-02/dtp_28_02_2.jpg.webp?itok=ze0W9xLv)
На месцы здарэння / vk.com/dtpmogilev
ДТЗ з удзелам машыны хуткай дапамогі адбылося напярэдадні вечарам у Слаўгарадзе Магілёўскай вобласці. Аварыя здарылася каля запраўкі: аўтамабіль хуткай выязджаў з другараднай дарогі, паведамляе рэсурс "ДТЗ і надзвычайныя здарэнні Магілёў". Па галоўнай у гэты час, мяркуючы па апублікаваных фота, рухалася фура.
Фельчара і вадзіцеля хуткай забралі ў шпіталь. Ім спатрэбілася дапамога медыкаў. У ДАІ пазней ўдакладнілі, што пры выездзе на галоўную дарогу вадзіцель хуткай "не выканаў патрабаванне дарожнага знака "Рух без спынення забаронены".
![В Могилевской области в ДТП попала машина скорой помощи](/sites/default/files/styles/default_image_paragraph/public/paragraphs/image/dtp_28_02.jpg.webp?itok=avexgsor)
Фельчара і кіроўцу хуткай калегі шпіталізавалі / vk.com/dtpmogilev
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.