У Мастоўскім раёне "мэтавік"-педагог папрасіўся кантрактнікам у войска

У Мастоўскім раёне "мэтавік"-педагог папрасіўся кантрактнікам у войска. Па дапамогу ён звярнуўся да старшыні райвыканкама Андрэя Санько.

Раённая газета піша, што "малады спецыяліст, які працуе ў сістэме адукацыі, пасля праходжання тэрміновай ваеннай службы выявіў жаданне працягнуць яе на аснове кантракту". І ёсць адпаведныя дакументы з вайсковай часці. Хлопец папрасіў паскорыць працэс пераводу ў войска.

"Пахвальна імкненне маладога чалавека служыць Радзіме, — кажа старшыня Мастоўскага райвыканкама. — Перашкод у пераводзе няма. Але паколькі ён з'яўляецца "мэтавіком", то механізм ўзгаднення патрабуе праходжання пэўных працэдур".

Педагогу патлумачылі "паслядоўнасць дзеянняў". "Паскорыць працэс", відаць, не атрымалася.