У Мінску прайшло шэсце і мітынг з нагоды Дня Волі (фота)
Акцыя была дазволеная гарадскімі ўладамі. Але не абыйшлося без затрыманняў.
20:35 З'явіліся звесткі пра затрыманні. Затрыманы Максім Вінярскі, Сяргей Маской, Алена Лазарчык, Влад Бародка у двары па Багдановіча. Павязуць у Савецкі РУУС, піша @viasna96. Затрыманы яшчэ адзін актывіст "ЕўраБеларусі" - Леанід Кулакоў.
20:20 Мітынг скончыўся. Палова людзей так і не трапіла за агароджу.
19:45 Калона прыйшла на Бангалор. Людзей праз "рамкі" прапускаюць на агароджаную тэрыторыю.
18:40 Калона рушыла па вуліцы Сурганава
18:30 Людзі выстройваюцца ў калону, збіраюцца ісці на Бангалор. У знак салідарнасці з Украінай раздаюць жоўта-блакітныя стужкі.
18:10 На Акадэміі навук сабралося каля 2 тысяч чалавек. Пляцоўка перад кінатэатрам запоўнена.
18:00 Пляцоўка на Бангалор агароджаная, але міліцыі пакуль няма. Рамак з металашукальнікамі таксама няма.
17:55 Людзі збіраюцца на Акадэміі навук. Пакуль каля 300 чалавек.
