У Мінску гарэла школа, эвакуявалі каля 250 чалавек
Здарэнне адбылося ў сярэдняй агульнаадукацыйнай школе №138 на праспекце Пушкіна, 27.
Як паведамляе прэс-служба ратавальнікаў, пра пажар у сталоўцы паведаміў вахцёр школы прыкладна а палове 11-й у панядзелак. Як выявілі выратавальнікі, загарэліся адкладанні ў вентыляцыйным корабе пякарнай шафы 2004 года выпуску.
Да прыбыцця ратавальнікаў з будынка школы эвакуяваліся 226 дзяцей і 20 работнікаў персаналу. Пацярпелых няма.
Менш чым за гадзіну ратавальнікі ліквідавалі пажар. Навучальны працэс адноўлены. Есці дзеці будуць у сталовай па вуліцы Адоеўскага, 34.
