У Мінску музыкі ўручылі ўзнагароды музыкам (фота)
Пераможцамі прэміі Rock Profi 2014 сталі Лявон Вольскі, "Дай Дарогу", Tonqixod, "Ляпіс Трубяцкой", N.R.M. і Port Mone.
У бары "Хуліган" 28 траўня прайшла цырымонія ўручэння прафесійнай музычнай прэміі Rock Profi. Былі ўручаныя ўзнагароды ў шасці намінацыях. Прычым, пераможцаў вызначалі музыкі, якія выдавалі паспяховыя альбомы цягам апошніх трох гадоў.
У намінацыі "Дэбют года" перамог гурт Tonqixod.
Песняй года сталі "Воіны святла" гурта "Ляпіс Трубяцкі". Прыз за "Запіс года" атрымалі гукарэжысёры Андрэй Жукаў і Алег Даманчук — за альбом "Thou" гурта Port Mone.
Прэмію "За ўнёсак" атрымаў гурт NRM.
У намінацыі "Лепшы альбом" перамог Лявон Вольскі з дыскам "Грамадазнаўства".
"Артыстам года" па версіі беларускіх музыкаў стау гурт "Дай дарогу!".
