У Мінску ствараецца народная камісія для арганізацыі пахавання І. Казулінай

Народная камісія для арганізацыі пахавання Ірыны Казулінай ствараецца ў Мінску. Пра гэта БелаПАН паведаміў праваабаронца Ігар Рынкевіч.  Паводле яго словаў, у яе ўвайдуць грамадскія дзеячы і прадстаўнікі палітычных партый. “Камісія зоймецца ўсімі пытаннямі, звязанымі з арганізацыяй і правядзеннем пахавання, каб зняць гэтыя праблемы з родных, - сказаў Рынкевіч. – Бо чакаецца, што праводзіць Ірыну Іванаўну ў апошні шлях прыдзе дастаткова шмат людзей, неабходна да гэтага падрыхтавацца, патурбавацца да падтрымання парадку”.

Нагадаем, Ірына Казуліна памерла вечарам 23 лютага ад анкалагічнага захворвання. Грамадзянская паніхіда будзе праходзіць у Чырвоным касцёле с 20 гадзін 26 лютага да 12 гадзін 27 лютага. Пахаванне адбудзецца ў сераду, паведамляе БелаПАН.