У МПЗ пракаментавалі чэргі па ключы лічбавага подпісу
Ключ электроннага лічбавага подпісу / БЕЛТА
У Міністэрстве падаткаў і збораў Беларусі пракаментавалі чэргі, якія ўтварыліся ў Мінску па атрыманне ключоў электроннага лічбавага подпісу.
Выпускам сертыфікатаў ЭЛП у Беларусі займаюцца 12 рэгістрацыйных цэнтраў, працуюць 44 пункты аказання электронных паслуг, заявіў БЕЛТА прэс-сакратар МПЗ Сяргей Саладуха. Каб скараціць чэргі, амаль ва ўсіх рэгістрацыйных цэнтрах арганізавалі папярэдні запіс праз сайт. "То-бок можна выбраць дату і час наведвання рэгістрацыйнага цэнтра", — адзначыў Саладуха.
Але галоўнае — з улікам чаргі і немагчымасці своечасова атрымаць ключы ЭЛП ІП дазволілі падаваць падатковую дэкларацыю ў папяровым выглядзе.
Раней у сацсетках з'явіўся аповед адной з мінскіх ІП. Дзяўчына расказала, што вымушаная прыходзіць штодня адзначацца да падатковай, каб атрымаць ключ. Акрамя таго, ёй патрэбнае было начное дзяжурства.
@mamaclub.by Списки очереди как в 90-х, люди дежурят ночью у налоговых Беларуси дабы сохранить свою очередь. И это чтобы получить услугу за которую они заплатили большие деньги 💸 Средства Мамской Информации Беларуси #этобеларусьдетка #мывбеларуси #беларусыпоймут #беларусы #ипбеларусь #беларусьсегодня #электронныйключрб #электронныйключбеларусь #беларусь2024 #налогибеларусь2024 #новостибеларуси ♬ оригинальный звук - MamaClub.by
