У нядзелю амаль па ўсёй Беларусі пройдзе снег, будзе да 11 марозу

Уначы і раніцай у нядзелю, 20 сакавіка, амаль па ўсёй Беларусі пройдзе снег, у асобных раёнах — завіруха. Удзень снег магчымы толькі месцамі, а на Брэстчыне — з дажджом. Прагназуецца парывісты моцны вецер.

У начныя гадзіны па краіне будзе ад 1 да 9 градусаў ніжэй за нуль, у Віцебскай вобласці — да 11 марозу, у дзённыя гадзіны чакаецца ад мінус 5 на Віцебшчыне да плюс 5 на паўднёвым захадзе Беларусі.

У панядзелак, 21 сакавіка, умовы надвор'я ў Беларусі істотна не змяняцца. Аднак уначы месцамі тэмпература паветра складзе да 13 градусаў марозу, паведамляе БЕЛТА са спасылкай на Рэспубліканскі цэнтр па гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Сіноптыкі кажуць, што пахаладанне захаваецца ў Беларусі да канца сакавіка. Сапраўдная вясна чакаецца толькі ў пачатку красавіка.