У Польшчы заявілі, што пагрозы выбуху на самалёце Ryanair з Пратасевічам не было
У Польшчы заявілі, што пагрозы выбуху на самалёце Ryanair з журналістам Раманам Пратасевічам у траўні 2021-га не было. А гэта супярэчыць афіцыйнай беларускай версіі пра паведамленне аб "бомбе" на борце. Заява генпракуратуры Польшчы з'явілася на наступны дзень пасля гучнай публікацыі New York Times пра авіядыспетчара, які збег з Беларусі і расказаў, як усё было (пра "руку КДБ" у пасадцы самалёта ў мінскім аэрапорце). "Уся гэтая сітуацыя была толькі падставай, каб прымусіць пілота прызямліцца ў Мінску", — гучыць як прысуд.
