У пятніцу ў Беларусі будзе цёпла, але парывісты вецер
27 сакавіка ў нашай краіне чакаецца пераменная воблачнасць.
Па словах сіноптыкаў, 27 сакавіка ў Беларусі будзе пераважна без ападкаў, толькі месцамі па заходніх раёнах прагназуюцца кароткачасовыя дажджы. Вецер чакаецца паўднёва-ўсходні 5-10 метраў за секунду з парывамі да 14 метраў у секунду. Месцамі па паўночным усходзе ўдзень парывы ўзмоцняцца да 15-18 метраў за секунду, перадае БЕЛТА.
Тэмпература паветра ўначы складзе +1...+7 градусаў, удзень будзе 12-18 градусаў цяпла.
Фота з сацыяльных сетак
