У Шклоўскай калоніі памёр палітвязень Вітольд Ашурак
У калоніі ў Шклове памёр палітвязень Вітольд Ашурак, піша "Наша Ніва". Пра гэта паведамілі яго сваякі. Папярэдняя прычына — спынілася сэрца.
Ашурку было 50 гадоў. Ён быў асуджаны закрытым судом на пяць гадоў калоніі. Суддзя пастанавіў спаліць нават яго сяброўскі білет Партыі БНФ, прызнаўшы яго доказам злачынства.
Менавіта Вітольд Ашурак паведаміў нядаўна, што ў шклоўскай калоніі палітвязням нашываюць жоўтыя біркі, каб адрозніць ад іншых.
