У Столінскім раёне ў рэанімацыю трапіў 13-гадовы матацыкліст
![На месцы аварыі / vk.com/brestgai](/sites/default/files/styles/gallery_main/public/2023-08/cyphtar03ak.jpg.webp?itok=3FHb1Ua5)
На месцы аварыі / vk.com/brestgai
У Столінскім раёне ў рэанімацыю трапіў 13-гадовы матацыкліст. Як паведамляе брэсцкая ДАІ, здарэнне адбылося раніцай 2 жніўня ў аграгарадку Альшаны. 52-гадовы кіроўца ГАЗ рухаўся па вуліцы і пры развароце не пераканаўся ў бяспецы манеўру, у выніку чаго ўрэзаўся ў матацыкл Hors. За яго рулём знаходзіўся падлетак. Хлопчык атрымаў траўмы, яго шпіталізавалі.
У Беларусі ўдзельнічаць у дарожным руху матацыклістам дазваляецца толькі з 16 гадоў пры наяўнасці пасведчання кіроўцы катэгорыі А. За кіраванне матацыклам без правоў прадугледжаны штраф.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.