У Венесуэле лідар апазіцыі аб'явіў сябе прэзідэнтам, і Трамп яго ўжо прызнаў
У Венесуэле лідар апазіцыі аб'явіў сябе прэзідэнтам, і Дональд Трамп яго ўжо прызнаў, інфармуе "Бі-Бі-Сі". Хуан Гуайдо — кіраўнік Нацыянальнай асамблеі. Ён назваў Нікаласа Мадуру нелегітымным прэзідэнтам. Гуайдо перакананы, што адзіная легітымная галіна ўлады — гэта парламент.
Хуан Гуайдо часова выконвае абавязкі прэзідэнта. І менавіта ў гэтай якасці яго прызнаў прэзідэнт ЗША. Гуайдо аб'явіў на шматтысячным мітынгу, што яго задача — "дамагчыся заканчэння ўзурпацыі ўлады, сфармаваць пераходны ўрад і правесці сумленныя выбары". Тым часам Вярхоўны суд Венесуэлы пачаў крымінальнае расследаванне ў дачыненні апазіцыйнага парламента.
Новая хваля вулічных пратэстаў у Венесуэле пачалася ў панядзелак пасля таго, як улады паведамілі пра падаўленне спробы вайсковага мецяжу ў сталіцы. Былі арыштаваныя амаль 30 чалавек.
Як вядома, Нікалас Мадура аб'явіў пра сваю перамогу на прэзідэнцкіх выбарах у траўні мінулага года. Але вынікі тых выбараў не прызнала ні венесуэльская апазіцыя, ні ЗША з ЕС. Для Мадуры гэта ўжо другі тэрмін.
Хуана Гуайдо пачалі прызнаваць і іншыя краіны свету.
As the good people of Venezuela make your voices heard tomorrow, on behalf of the American people, we say: estamos con ustedes. We are with you. We stand with you, and we will stay with you until Democracy is restored and you reclaim your birthright of Libertad. pic.twitter.com/ThzIAqBoRn
— Vice President Mike Pence (@VP) 22 января 2019 г.
