У Вільні на шэсці нацыяналістаў быў і беларускі сцяг
Бел-чырвона-белы сцяг на шэсці ў Вільні / delfi.lt
11 сакавіка ў Вільні прайшло шэсце літоўскіх нацыяналістаў. У акцыі паўдзельнічала каля 200 чалавек. Як піша Delfi, яны выказвалі падтрымку Украіны, скандавалі "Слава Украіне! Героям слава!", збіралі ахвяраванні для ўкраінскага войска.
На банеры наперадзе калоны было напісана "За нашу і вашу волю". Акрамя літоўскіх і украінскіх сцягоў, былі заўважаны сцягі Латвіі, ЗША і беларускі бел-чырвона-белы сцяг.
Шэсце адбылося на праспекце Гедыміна ад Кафедральнай да Лукішкскай плошчы.
delfi.lt
