У вёскі на Капыльшчыне прэсу будуць дастаўляць раз на месяц
Прычына ў тым, што ў раёне скарачаецца колькасць аддзяленняў “Белпошты”.
Як паведамляе прэс-служба БАЖ, газеты, карэспандэнцыю і грошы пенсіянерам паштальёны будуць прыносіць адзін раз на месяц.
Вяскоўцы збіралі подпісы за тое, каб улады не зачынялі паштовае аддзяленне, але выніку не дамагліся.
Дарэчы, Капыльшчына не адзіны рэгіён, які сутыкнуўся з такой праблемай. На Магілёўшчыне са студзеня 2014 года перасталі працаваць больш за сотню паштовых аддзяленняў сувязі — пераважна ў сельскіх раёнах.
Фота — gp.by
