Украінскага дэпутата, які "лечыцца ў Беларусі", абвясцілі ў вышук
Служба бяспекі Украіны аб'явіла ў вышук дэпутата Вярхоўнай Рады Тараса Козака, падазраванага ў "дзяржаўнай здрадзе". Пра тое, што ён нібыта знаходзіцца ў Беларусі "на лячэнні", тыдзень таму заявіў ягоны аднапартыец (фракцыя "Апазіцыйная платформа — За жыццё") Віктар Медзвядчук. Ён, дарэчы, таксама падазраецца ў "дзяржаўнай здрадзе" (а таксама ў замаху "на разрабаванне нацыянальных рэсурсаў на тэрыторыі Крыму") і знаходзіцца пад хатнім арыштам з нашэннем электроннага бранзалета.
