Украінскія войскі блізкія да вызвалення Андрэеўкі каля Бахмута
![Бой на Запарожскім напрамку](/sites/default/files/styles/gallery_main/public/2023-09/front.jpg.webp?itok=maPIo4va)
Бой на Запарожскім напрамку / facebook.com/GeneralStaff.ua
Украінскія войскі вызвалілі Андрэеўку на поўдзень ад Бахмута, паведаміла ў чацвер намесніца міністра абароны Украіны Ганна Маляр. Баі там працягваліся ўсё лета. Расіяне шмат разоў уводзілі рэзервы, спрабуючы стрымаць украінскі наступ.
Некаторыя расійскія "ваенкары" і вайскоўцы пачалі пісаць пра сыход з Андрэеўкі за чыгунку яшчэ напярэдадні. Яны таксама сцвярджалі, што пакінутыя пазіцыі і ў Кляшчэеўцы. Маляр пра гэты населены пункт згадвае, як і пра Курдзюмаўку, у кантэксце таго, што там працягваюцца баі.
Тым часам 3-я асобная штурмавая брыгада заявіла, што гаварыць пра вызваленне Андрэеўкі перадчасна, бо там ідуць "сур'ёзныя і цяжкія баі". Такой жа пазіцыі прытрымліваюцца і ў прэс-службе Усходняй групоўкі войск. У выніку Маляр адрэдагавала свой пост і ўжо не сцвярджае пра вызваленне Андрэеўкі.
Украінскі журналіст Юрый Бутусаў піша, што за тры месяцы баёў "украінскія воіны перамалолі адно за адным расійскія падраздзяленні", а гэта былі найлепшыя сілы, якія яшчэ засталіся ў РФ.
А на поўнач ад Бахмута расійскія войскі спрабуюць адбіць страчаныя пазіцыі.
![Украінскія войскі блізкія да вызвалення Андрэеўкі каля Бахмута](/sites/default/files/styles/default_image_paragraph/public/paragraphs/image/22_89.jpg.webp?itok=mAQ7u-Wb)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.