Улады Беларусі ўзаконілі пірацтва і паралельны імпарт

У Беларусі ўзаконілі пірацтва. Адпаведны закон быў прыняты Нацыянальным сходам 20-21 снежня 2022-га, 3 студзеня 2023-га яго падпісаў Аляксандр Лукашэнка, а 6 студзеня дакумент апублікаваны на Нацыянальным прававым інтэрнэт-партале РБ. Ён дапускае выкарыстанне без дазволу аб'ектаў інтэлектуальнай уласнасці праваўладальнікаў з краін, "якія здзяйсняюць недружалюбныя дзеянні" супраць Беларусі.

Закон распаўсюджваецца на камп'ютарныя праграмы, фільмы, музычныя творы і тэлеперадачы. Ён пачынае дзейнічаць праз 10 дзён пасля апублікавання — да 31 снежня 2024 года.

Дапускаецца і паралельны імпарт.

Новаўвядзенне — своеасаблівы адказ на санкцыі, уведзеныя супраць Беларусі.