Універсітэты аплацяць студэнтам палову кошту праезду?

Рашэнне аб ільготах на праезд для студэнтаў павінна быць выпрацавана да сярэдзіны снежня. Аб гэтым, як паведамляюць афіцыйныя крыніцы, заявіў Аляксандр Лукашэнка 23 лістапада ў Магілёве ў гутарцы са студэнтамі мясцовых ВНУ. Па словах кіраўніка дзяржавы, універсітэты самі павінны размяркоўваць грошы на праезд.

"Мы маглі б падняць узровень стыпендый, але гэта не здыме пытанне, бо студэнты могуць патраціць грошы не на праезд. Таму рашэнне павінна прымацца канкрэтна па кожным выпадку", — заявіў Лукашэнка.