УСУ кажуць пра прарыў першай лініі абароны расійскіх войскаў на Херсоншчыне

Украінскія вайскоўцы прарвалі першую лінію абароны расійскіх войскаў у Херсонскай вобласці, паведамляе hromadske.ua. Ёсць звесткі, што 109-ы стралковы полк "ДНР" адышоў ад занятых пазіцый. 

УСУ пачалі наступ на многіх кірунках на поўдні Украіны. Пра гэта заявіла кіраўніца аб'яднанага прэс-цэнтру сіл аховы і абароны "Поўдзень" Наталля Гумянюк.

У аператыўнай групе войскаў "Кахоўка" кажуць, што на часова акупаванай тэрыторыі Херсонскай вобласці HIMARS знішчылі амаль усе буйныя масты: Антонаўскі чыгуначны, аўтамабільны і Новакахоўскі. У выніку расійскае войска апынулася адрэзаным ад паставак узбраення і асабістага складу з тэрыторыі Крыма.