Ва Украіне параненыя два байцы батальёна "Волат"
![Беларускі добраахвотнік "Тор" / svaboda.org](/sites/default/files/styles/gallery_main/public/2023-08/058a0000-0aff-0242-7ea3-08daee6786a4_w1597_n_r1_st_s.jpg.webp?itok=nWobJlYk)
Беларускі добраахвотнік "Тор" / svaboda.org
Ва Украіне параненыя два байцы батальёна "Волат" палка імя Каліноўскага, паведамляе Радыё Свабода. Адбылося гэта 31 снежня на перадавой на ўчастку фронту, на якім "адбываюцца важныя баі". Адзін з параненых — 25-гадовы пінчук Кірыл Іваноў ("Тор").
"Проста за маёй спінай падчас выканання баявой задачы выбухнула граната...", — расказвае ён. Адзін з аскепкаў прыляцеў у шалом і застаўся ў ім, некалькі трапілі ў бронекамізэльку. Самае значнае раненне — аскепак трапіў у сцягно.
"Я працягваў выконваць баявую задачу, не прасіў эвакуацыі, — расказвае добраахвотнік. — Спачатку нават думаў, што гэта проста драпіна...".
Цяпер Кірыл Іваноў на лячэнні. У яго гэта першае раненне.
![Ва Украіне параненыя два байцы батальёна "Волат"](/sites/default/files/styles/default_image_paragraph/public/paragraphs/image/Szal.jpg.webp?itok=kmmWvQOG)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.