Ва Украіне выходзіць фільм пра падарожжа на мыс Горн з табурэтам і з беларусамі

У 2011 годзе Еўрарадыё распавядала пра беларускіх падарожнікаў Жэню Манцэвіч і Верасня, якія разам з украінскімі і расійскімі сябрамі, узяўшы зэдлік, аўтастопам дабраліся да мыса Горн.

Арт-праект "З табурэтам праз кантыненты" прыдумаў ўкраінскі рэжысёр Леанід Кантар яшчэ ў 2004 годзе. Ідэя заключалася ў тым, каб аднесці чатыры зэдлікі з кухні да чатырох акіянаў. У 2010 годзе Леанід прапанаваў далучыцца да акцыі і беларусам. Свае вандроўкі пілігрымы фіксавалі на відэа і рабілі з яго фільмы. Грошы зараблялі з дапамогай вулічных выступаў і перформансаў.

21 лютага ва ўкраінскі пракат выйдзе дакументальны фільм-падарожжа "Чалавек з табурэтам". Яго зняў Леанід Кантар падчас падарожжа з сябрамі да Ціхага акіяну. Гэта апошняя стужка Кантара — на пачатку чэрвеня 2018 года ён здзейсніў самагубства. У перадсмяротных лістах ён папрасіў скончыць фільм, пакінуўшы ўказанні аб тым, як менавіта.

Падчас гэтага падарожжа ў аргентынскім таксі ў Леаніда нарадзілася дачка, якую назвалі Патагонія. Пакуль Леанід ажыццяўляў сваю вар'яцкую мару — нёс зэдлік на мыс Горн, жонка Дыяна і старэйшая дачка Магдалена збіралі унікальныя казкі народаў свету, якія ўвойдуць у фільм. Адна з іх — "Гуардабаранка". Каманда фільма "Чалавек з табурэтам" разам з Грамадскіх публікуе казку "Гуардабаранка".

Чароўнае дзеянне адбываецца ў Нікарагуа, дзе маленькая дзяўчынка Магдалена знаёміцца ​​з казачнай птушкай Гуардабаранка. Легенда кажа, што калі дакрануцца да чароўных пер'яў на хвасце птушкі — яна падымецца разам з табой у воблака і праляціць над зямным шарам.