Вікторыя Азаранка выйшла ў другі круг тэніснага турніру ў Вашынгтоне
Вікторыя Аазаранка / GETTY IMAGES NORTH AMERICA/AFP
Беларуска Вікторыя Азаранка (20-ы нумар у рэйтынгу WTA) у першым крузе тэніснага турніру ў Вашынгтоне абыграла амерыканку Хэйлі Баптыст (97) — 7:6 (8:6), 7:6 (7:3).
Матч доўжыўся 2 гадзіны 25 хвілін.
Дарэчы, сёння беларуская тэнісістка святкуе сваё 35-годдзе.
У другім крузе Азаранка згуляе з кітайскай тэнісісткай Ван Яфань (73).
Яшчэ адна беларуска Арына Сабаленка (3) выйдзе супраць расіянкі Камілы Рахімавай (105).
