"Вконтакте" заблакуе суполкі, што паразітуюць на Еўрамайдане
Сацыяльная сетка "Вконтакте" заблакуе суполкі, якія змянілі сваю тэматыку і пачалі распавядаць пра Еўрамайдан.
Пра гэта сайту Digit.ru паведаміў прэс-сакратар "Вконтакте" ва Украіне Улад Ляготкін.
Некаторыя з супольнасцяў "Вконтакте", па яго словах, змянілі свае ранейшыя назвы і тэматыку дзеля прыцягнення карыстальнікаў на фоне палітычных падзеяў ва Украіне. Гэта, па правілах сацсеткі, нібыта з'яўляецца парушэннем.
"Рэзкае змяненне тэматыкі з'яўляецца несумленным у дачыненні да карыстальнікаў. Яны станавіліся ўдзельнікамі адной суполкі, а пасля аказваліся ў зусім іншай", — наракае Ляготкін.
За гэта суполкі могуць быць выключаныя з пошуку.
