Восем чалавек эвакуяваныя ў Светлагорску пры пажары ў шматпавярховіку
![Восем чалавек эвакуяваныя ў Светлагорску пры пажары ў шматпавярховіку](/sites/default/files/styles/gallery_main/public/2023-08/svietlahorsk-2603-1.jpg.webp?itok=Rq9AWW_m)
25 сакавіка ў 23:11 светлагорскія ратавальнікі атрымалі паведамленне пра пажар у кватэры ў мікрараёне Моладзевым.
Падраздзяленні МНС былі на месцы выкліку ўжо праз пяць хвілнаў. Яны пабачылі, што ў цагляным дзевяціпавярховіку гарыць кватэра на восьмым паверсе. На падлозе ў агульным калідоры восьмага паверху ратавальнікі знайшлі і выратавалі гаспадара кватэры. Медыкі шпіталізавалі яго з дыягназам "атручэнне прадуктамі гарэння".
З восьмага і дзявятага паверхаў супрацоўнікі МНС эвакуявалі восем чалавек (у тым ліку адно дзіця).
Агонь знішчыў маёмасць у кватэры.
Адна з асноўных версій загарання — неасцярожнае абыходжанне з агнём пры паленні.