Восенню Лукашэнка наведае Казахстан, а Назарбаеў — Беларусь
Кіраўнікі краін сёлета абмяняюцца афіцыйнымі візітамі.
Як паведамляе БЕЛТА, падчас візіту ў Казахстан Аляксандр Лукашэнка абмяркуе з Нурсултанам Назарбаевым рэалізацыю папярэдніх дамоўленасцяў і перспектывы супрацоўніцтва. Гутарка пойдзе і пра ўзаемадзеянне "ў інтэграцыйных структурах і на розных міжнародных пляцоўках".
Прэзідэнт Казахстана плануе наведаць нашу краіну ў кастрычніку. Ён возьме ўдзел у паседжаннях Савета кіраўнікоў краін СНД і Вышэйшага еўразійскага эканамічнага савета.
Фота — ctv.by
