Вядоўцу антымайдана Юрыя Ката збілі невядомыя
Журналіст і тэлевядоўца, які вёў у суботу канцэрт на "антымайдане", Юры Кот быў збіты ў нядзелю ўвечары.
Інцыдэнт адбыўся каля дома журналіста, паведамляе liga.net. У Ката зламаны нос, выцятыя рэбры і спіна. Моцна пабітыя ногі і корпус. Ад шпіталізацыі ён адмовіўся.
Падрабязнасці інцыдэнту высвятляюцца.
Юры Кот не хавае сваёй антыпатыі да Еўрамайдана. Выступаючы са сцэны "антымайдана", ён паведаміў, што на яго тэлефон прыходзяць паведамленні з пагрозамі фізічнай расправы над ім і чальцамі яго сям'і.
Фота — obozrevatel.com i Facebook
