Вынікі аналізаў: беларуска, шпіталізаваная ў Маскве, хворая на свіны грып

28-гадовая беларуска, шпіталізаваная ў Маскве, хворая на свіны грып. Такія вынікі яе аналізаў агучылі ўвечары ў чацвер расійскія медыкі. Нагадаем, грамадзянка нашай краіны стала жыве ў Італіі, яна здзяйсняла турыстычную паездку па ЗША, Чэхіі і Расіі, у расійскую сталіцу прыляцела з Прагі. У маскоўскай гасцініцы беларусцы стала кепска, яна патрапіла ў бальніцу з высокай тэмпературай.

Як паведамляе тэлеканал ОНТ, расійскія медыкі ўжо перадалі ў Беларусь тэсты, якія дазваляюць за лічаныя гадзіны ідэнтыфікаваць вірус грыпу А/H1N1.