Выпівохі болей не змогуць купіць гарэлку
З "чорнымі спісамі", складзенымі паводле рашэння ўладаў Пастаўшчыны, яны змагаюцца далёкімі рэйдамі ў суседнія раёны На новы ўзровень выйшла барацьба з п'янствам у Пастаўскім раёне. Цяпер, згодна з рашэннем райвыканкама, выпівох там уносяць у "чорны спіс" і ў крамах алкаголь ім ужо не прададуць.
"Па нашым сельсавеце мы абралі 57 чалавек, якім нельга прадаваць. Прынятае рашэнне выканкама, зацверджаныя спісы раздалі ў крамы", — распавяла Еўрарадыё Ядвіга Данілевіч, старшыня Казлоўшчынскага сельсавета.
Таіса Баторы, якая кіруе Волкаўскім сельсаветам, кажа, што гаворка не ідзе пра тых, каго адзін раз заўважылі нецвярозым на працы. Патрапіць у спіс можа чалавек, які пастаянна п'е гарэлку і амаль штодня з'яўляецца на працы ў нецвярозым стане.
Таіса Баторы: "Менавіта самыя злосныя там. Мы ж бачым іх кожны дзень. І каля крамы бачым іх, і паштальёны, калі пошту разносяць".
Адсочвае гэта савет прафілактыкі, які першы раз збіраўся ў лютым, а наступны раз будзе збірацца у пачатку красавіка. Туды запрашаюць супрацоўнікаў міліцыі, старэйшын з вёсак, дэпутатаў, паштальёнаў, якія вырашаюць, каго ўнесці ці прыбраць са спіса, а таксама дадаюць у спіс людзей па просьбах.
"Часта просяць маці і жонкі ўключыць у спіс. Таму па іх просьбах мы ў гэтыя спісы людзей дадаем", — распавяла Ядвіга Данілевіч.
Але выйсці са спіса таксама можна, кажа Таіса Баторы. Вырашаецца гэта на тым жа савеце прафілактыкі:
"Савет прафілактыкі можа іх запрасіць, і калі бачыць, што яны выправіліся, то прыбярэ людзей са спісу".
"Калі чалавек закадзіруецца, выправіцца, то будзем прыбіраць, але пакуль у нас такіх няма", — кажа старшыня Казлоўшчынскага сельсавета Ядвіга Данілевіч.
Тых, хто выправіўся, пакуль няма, але ёсць тыя, хто абураецца такімі крокам мясцовых уладаў. Вось што распавядае Ядзвіга Данілевіч:
"Былі праблемы, абураліся. Казалі, што сорамна. Мы тлумачым, што з яго можна выйсці. Трэба проста нармальна жыць, бо пад плотам жа валяцца не сорамна".
Не ўсе пакупнікі прадавачкі сельскай крамы Інэты Генадзьеўны адэкватна рэагуюць на забарону:
"Некаторыя крычаць, што гэта незаконна. Некаторыя лічаць сябе лепшымі, чым яны ёсць насамрэч. Некаторыя проста усміхаюцца, купляюць прадукты і сыходзяць".
Наагул, у Інэты Генадзьеўны каля 290 пастаянных пакупнікоў, з іх у "чорны спіс" патрапілі 50. І што не прадаеце нікому? — запыталіся мы.
Інэта Генадзьеўна: "Вядома, не прадаю. Калі міліцыя даведаецца, што я прадала, то гэта будзе мне вялікі штраф".
Штраф прадугледжаны тым самым рашэннем райвыканкама, згодна з якім на Пастаўшчыне былі створаныя "чорныя спісы". Яны дзейнічаюць ужо 2 тыдні і алкаголю на Пастаўшчыне сталі купляць менш.
"Ну, напрыклад, прадавалі скрыняў 5 у дзень, а калі заробак, дык і болей. А цяпер — 2-3", — кажа прадавачка сельскай крамы.
Але піць менш не сталі. Можна ж паехаць у суседні сельсавет ці ў Глыбоцкі раён, і там купіць гарэлку без праблемаў. А яшчэ можна папрасіць схадзіць у краму кагосьці са знаёмых, кажа ўчастковы міліцыянт Уладзімір Кухальскі:
"Не, вядома, не стане ён менш піць. Папросіць кума, брата, свата, які яму купіць. Ці можа паехаць у другі раён, дзе яго не ведаюць. У яго ж на ілбе не напісана, што нельга яму прадаваць".
А ў краму да Інэты Генадзьеўны прыязджаюць закупляцца людзі са знакамітай вёскі Мосар, дзе вельмі часта праходзяць дні цвярозасці. Таму вынікаў такіх забаронаў пакуль не бачна.
"Па нашым сельсавеце мы абралі 57 чалавек, якім нельга прадаваць. Прынятае рашэнне выканкама, зацверджаныя спісы раздалі ў крамы", — распавяла Еўрарадыё Ядвіга Данілевіч, старшыня Казлоўшчынскага сельсавета.
Таіса Баторы, якая кіруе Волкаўскім сельсаветам, кажа, што гаворка не ідзе пра тых, каго адзін раз заўважылі нецвярозым на працы. Патрапіць у спіс можа чалавек, які пастаянна п'е гарэлку і амаль штодня з'яўляецца на працы ў нецвярозым стане.
Таіса Баторы: "Менавіта самыя злосныя там. Мы ж бачым іх кожны дзень. І каля крамы бачым іх, і паштальёны, калі пошту разносяць".
Адсочвае гэта савет прафілактыкі, які першы раз збіраўся ў лютым, а наступны раз будзе збірацца у пачатку красавіка. Туды запрашаюць супрацоўнікаў міліцыі, старэйшын з вёсак, дэпутатаў, паштальёнаў, якія вырашаюць, каго ўнесці ці прыбраць са спіса, а таксама дадаюць у спіс людзей па просьбах.
"Часта просяць маці і жонкі ўключыць у спіс. Таму па іх просьбах мы ў гэтыя спісы людзей дадаем", — распавяла Ядвіга Данілевіч.
Але выйсці са спіса таксама можна, кажа Таіса Баторы. Вырашаецца гэта на тым жа савеце прафілактыкі:
"Савет прафілактыкі можа іх запрасіць, і калі бачыць, што яны выправіліся, то прыбярэ людзей са спісу".
"Калі чалавек закадзіруецца, выправіцца, то будзем прыбіраць, але пакуль у нас такіх няма", — кажа старшыня Казлоўшчынскага сельсавета Ядвіга Данілевіч.
Тых, хто выправіўся, пакуль няма, але ёсць тыя, хто абураецца такімі крокам мясцовых уладаў. Вось што распавядае Ядзвіга Данілевіч:
"Былі праблемы, абураліся. Казалі, што сорамна. Мы тлумачым, што з яго можна выйсці. Трэба проста нармальна жыць, бо пад плотам жа валяцца не сорамна".
Не ўсе пакупнікі прадавачкі сельскай крамы Інэты Генадзьеўны адэкватна рэагуюць на забарону:
"Некаторыя крычаць, што гэта незаконна. Некаторыя лічаць сябе лепшымі, чым яны ёсць насамрэч. Некаторыя проста усміхаюцца, купляюць прадукты і сыходзяць".
Наагул, у Інэты Генадзьеўны каля 290 пастаянных пакупнікоў, з іх у "чорны спіс" патрапілі 50. І што не прадаеце нікому? — запыталіся мы.
Інэта Генадзьеўна: "Вядома, не прадаю. Калі міліцыя даведаецца, што я прадала, то гэта будзе мне вялікі штраф".
Штраф прадугледжаны тым самым рашэннем райвыканкама, згодна з якім на Пастаўшчыне былі створаныя "чорныя спісы". Яны дзейнічаюць ужо 2 тыдні і алкаголю на Пастаўшчыне сталі купляць менш.
"Ну, напрыклад, прадавалі скрыняў 5 у дзень, а калі заробак, дык і болей. А цяпер — 2-3", — кажа прадавачка сельскай крамы.
Але піць менш не сталі. Можна ж паехаць у суседні сельсавет ці ў Глыбоцкі раён, і там купіць гарэлку без праблемаў. А яшчэ можна папрасіць схадзіць у краму кагосьці са знаёмых, кажа ўчастковы міліцыянт Уладзімір Кухальскі:
"Не, вядома, не стане ён менш піць. Папросіць кума, брата, свата, які яму купіць. Ці можа паехаць у другі раён, дзе яго не ведаюць. У яго ж на ілбе не напісана, што нельга яму прадаваць".
А ў краму да Інэты Генадзьеўны прыязджаюць закупляцца людзі са знакамітай вёскі Мосар, дзе вельмі часта праходзяць дні цвярозасці. Таму вынікаў такіх забаронаў пакуль не бачна.
