Яніс Айзсалніекс: Прадстаўніцтва Еўракамісіі адкрыецца ў бліжэйшы час
Аляксандр Лукашэнка 19 кастрычніка ўхваліў праект пагаднення аб заснаванні ў Мінску прадстаўніцтва Еўракамісіі. З 2006 года было неясна, калі ж беларускія ўлады дадуць канчатковую санкцыю на яго адкрыццё. Пра тое, якія ж крокі трэба яшчэ зрабіць, “Еўрарадыё” распавёў кіраўнік офіса ТАСІС у Беларусі Яніс Айзсалніекс:
“Пасля гэтага сённяшняга рашэння мы яшчэ мусім зрабіць некалькі іншых крокаў. Для таго, каб дэлегацыя магла быць адкрытая, мы павінны падпісаць дамову аб яе адкрыцці. Яго мусіць ратыфікаваць беларускі парламент.
І пасля гэтага мы зможам ўжо афіцыйна перарэзаць чырвоную стужку. Мы спадзяемся, што гэтыя астатнія крокі адбудуцца як найхутчэй”.
У бліжэйшыя дні адбудуцца тэхнічныя кансультацыі і стане вядома, дзе, калі і хто падпіша дамову.
Што да супрацоўнікаў будучага прадстаўніцтва, дык, паводле словаў Яніса Айзсалніекса, іх колькасць непасрэдна залежыць ад аб’ёма супрацоўніцтва Еўракамісіі з Беларуссю. Ён прагназуе, што гэты аб’ём мусіць павялічыцца.
Для працы ў Мінску прыедуць спецыялісты з ЕС, але будуць наймацца і мясцовыя беларусы.
“Пасля гэтага сённяшняга рашэння мы яшчэ мусім зрабіць некалькі іншых крокаў. Для таго, каб дэлегацыя магла быць адкрытая, мы павінны падпісаць дамову аб яе адкрыцці. Яго мусіць ратыфікаваць беларускі парламент.
І пасля гэтага мы зможам ўжо афіцыйна перарэзаць чырвоную стужку. Мы спадзяемся, што гэтыя астатнія крокі адбудуцца як найхутчэй”.
У бліжэйшыя дні адбудуцца тэхнічныя кансультацыі і стане вядома, дзе, калі і хто падпіша дамову.
Што да супрацоўнікаў будучага прадстаўніцтва, дык, паводле словаў Яніса Айзсалніекса, іх колькасць непасрэдна залежыць ад аб’ёма супрацоўніцтва Еўракамісіі з Беларуссю. Ён прагназуе, што гэты аб’ём мусіць павялічыцца.
Для працы ў Мінску прыедуць спецыялісты з ЕС, але будуць наймацца і мясцовыя беларусы.
