Януковіча і Захарчанку аб'явілі ў міжнародны вышук
Пра гэта заявіў выконваючы абавязкі генпракурора Алег Махніцкі.
Паводле яго слоў, пошукам экс-прэзідэнта Украіны Віктара Януковіча займаецца асобная следча-аператыўная група. Таксама шукаюць і былога міністра ўнутраных спраў Віталя Захарчанку. Мяркуецца, што абодва дагэтуль могуць знаходзіцца на тэрыторыі Украіны, інфармуе УНІАН.
Януковіч і Захарчанка абвінавачваюцца ў перавышэнні ўлады ці службовых паўнамоцтваў і ў наўмысным забойстве. Па апошнім артыкуле пагражае да 15 гадоў зняволення.
