За п'яны дэбош на борце самалёта "Белавія" расіянін атрымаў 5 сутак
Такі прысуд сёння вынес Дамадзедаўскі гарадскі суд.
Нагадаем, у чацвер п'яны грамадзянін Расіі, жыхар Казані Андрэй Кузняцоў учыніў бойку на борце самалёта "Белавія", які выконваў рэйс з Масквы ў Мінск. У выніку самалёт вярнуўся ў аэрапорт Дамадзедава, экіпаж зрабіў запыт на аварыйную пасадку. З вялікімі цяжкасцямі члены экіпажа і пасажыры змаглі супакоіць хулігана.
Пазней самалёт "Белавія" выляцеў у Мінск і паспяхова прызямліўся, інфармуе БЕЛТА.
Фота — bymedia.net