Замежная запазычанасць Беларусі дасягнула 17,6 мільярда долараў

За першае паўгоддзе 2009 года яна вырасла на 16%. Такія звесткі прыводзіць Белстат.
Як адзначае “Наша ніва”, да канца 2009 года замежная запазычанасць амаль напэўна пераваліць за 20 мільярдаў долараў, ці то каля 35% ад ВУП.

Для краіны як Беларусь бяспечная доля замежнай запазычанасці ад ВУП складае да 50—60%. Гэткага ўзроўню запазычанасці Беларусь можа дасягнуць ужо ў 2011 ці 2012 гадах.