"Запісана па-беларуску пад адказнасць бацькі"
Еўрарадыё даведалася, што бацькі, якія хочуць даць свайму дзіцяці беларускае імя, могуць мець праблемы. Бо новыя беларускія іменнікі дайшлі не паўсюль і ЗАГСы карыстаюцца слоўнікамі імёнаў... народаў РСФСР. Супрацоўнікі ЗАГСа Ленінскага раёна Мінска запэўніваюць Еўрарадыё, што не могуць адмовіць рэгістрацыі імя, нават калі яго няма ў слоўніку народаў РСФСР:
Супрацоўніца ЗАГСа: “Пішацца дадаткова заява, і мы рэгіструем, мы не маем права адмовіць. Проста папярэджваем, што ў штодзённым ужытку могуць быць праблемы”.
Сяргей Бахун разам з жонкай Святланай Завадскай вырашылі назваць сваю дачку Адэляй. Але ў сталічным ЗАГСе Фрунзенскага раёна спачатку не хацелі рэгістраваць імя, а потым не ведалі, як правільна пісаць:
Сяргей Бахун: “Яны хацелі напісаць па-руску “Аделя”, а я кажу трэба “Адэля” пісаць. А яны ўсё роўна кажуць, што “Аделя”.
Бацькі дабіліся свайго: дачку ў пасведчанні аб нараджэнні запісалі Адэляй. А вось у вядомага музыканта Лявона Вольскага с дачкой Адэляй ніякіх праблемаў у ЗАГСе не было:
Лявон Вольскі: “Нічога не казалі, як ні дзіўна”.
Ніякімі “праблемамі ў штодзённым ужытку”, пра якія папарэджваюць супрацоўнікі ЗАГСаў, у Адэлі Вольскай ніколі не было.
Адзін з лідэраў партыі БНФ Вінцук Вячорка таксама гаворыць, што ў яго дзяцей — Радаславы, Францішка і Ружаны — у жыцці няма ніякіх праблемаў з-за імені. А вось у ЗАГСе былі складанасці з Франкам. Палітык хацеў, каб у рускім варыянце пасведчання аб нараджэнні напісалі імя ў транслітэрацыі з беларускай мовы:
Вінцук Вячорка: “Супрацоўніца казала: “Навошта Вы хочаце зрабіць дзіцё нешчаслівым?” Урэшце прымусіла мяне напісаць распіску: “Запісаны па-беларуску пад адказнасць бацькі”.
Цікава, што сам палітык па пашпарце Валянцін і імя свайго змяняць не збіраецца. Ён кажа, што ў паўночна-заходніх беларускіх гаворках тры імені: Вінцэнт, Вікенцій і Валянцін супадалі ў адной народнай форме — Вінцук.
Як паведамілі Еўрарадыё ў Брэсцкім гарадскім аддзеле ЗАГС і ў аддзеле ЗАГС Ленінскага раёна Мінску, часцей за ўсё ў 2008 годзе бацькі называлі сваіх сыноў рускім імем Іван. А беларускіх імёнаў пакуль адзінкі.
Фота — nn.by
Супрацоўніца ЗАГСа: “Пішацца дадаткова заява, і мы рэгіструем, мы не маем права адмовіць. Проста папярэджваем, што ў штодзённым ужытку могуць быць праблемы”.
Сяргей Бахун разам з жонкай Святланай Завадскай вырашылі назваць сваю дачку Адэляй. Але ў сталічным ЗАГСе Фрунзенскага раёна спачатку не хацелі рэгістраваць імя, а потым не ведалі, як правільна пісаць:
Сяргей Бахун: “Яны хацелі напісаць па-руску “Аделя”, а я кажу трэба “Адэля” пісаць. А яны ўсё роўна кажуць, што “Аделя”.
Бацькі дабіліся свайго: дачку ў пасведчанні аб нараджэнні запісалі Адэляй. А вось у вядомага музыканта Лявона Вольскага с дачкой Адэляй ніякіх праблемаў у ЗАГСе не было:
Лявон Вольскі: “Нічога не казалі, як ні дзіўна”.
Ніякімі “праблемамі ў штодзённым ужытку”, пра якія папарэджваюць супрацоўнікі ЗАГСаў, у Адэлі Вольскай ніколі не было.
Адзін з лідэраў партыі БНФ Вінцук Вячорка таксама гаворыць, што ў яго дзяцей — Радаславы, Францішка і Ружаны — у жыцці няма ніякіх праблемаў з-за імені. А вось у ЗАГСе былі складанасці з Франкам. Палітык хацеў, каб у рускім варыянце пасведчання аб нараджэнні напісалі імя ў транслітэрацыі з беларускай мовы:
Вінцук Вячорка: “Супрацоўніца казала: “Навошта Вы хочаце зрабіць дзіцё нешчаслівым?” Урэшце прымусіла мяне напісаць распіску: “Запісаны па-беларуску пад адказнасць бацькі”.
Цікава, што сам палітык па пашпарце Валянцін і імя свайго змяняць не збіраецца. Ён кажа, што ў паўночна-заходніх беларускіх гаворках тры імені: Вінцэнт, Вікенцій і Валянцін супадалі ў адной народнай форме — Вінцук.
Як паведамілі Еўрарадыё ў Брэсцкім гарадскім аддзеле ЗАГС і ў аддзеле ЗАГС Ленінскага раёна Мінску, часцей за ўсё ў 2008 годзе бацькі называлі сваіх сыноў рускім імем Іван. А беларускіх імёнаў пакуль адзінкі.
Фота — nn.by
