З'ехаць, каб вярнуцца да музыкі — гутарка з Паўлам Аракелянам
Павел Аракелян / Еўрарадыё
"Ну вось надыйшла і мая чарга: ад гэтага часу я жыву ў Вільні, спрабую знайсці саксафон, узнавіць форму і вярнуцца да прафесійнага жыцця. А што там далей будзе — пакажа час. Адкрыты да працоўных прапановаў і хутчэй за ўсё цягам часу буду набіраць людзей на трэніроўкі", — надоечы напісаў музыка Павел Аракелян.
Аракелян да апошняга прынцыпова заставаўся ў Беларусі нягледзячы на немагчымасць выступаць з канцэртамі. Дзеля таго, каб выжываць, Павел прадаваў праз непатрэбнасць свае музычныя інструменты.
Што стала апошняй кропляй у рашэнні пакінуць Беларусь? Як выглядалі апошнія два гады жыцця Паўла? З якімі складанасцямі сутыкаюцца музыкі ў Беларусі, каб іграць канцэрты? Чаму ў жніўні ў Вільні адбываўся "цырк"? Наколькі складана музыку аднаўляцца пасля доўгага перапынку? Пра гэта ды іншае гаворым з Паўлам Аракелянам. Далучайцеся!
